fbpx

Every goodbye is different and special

Dikon?

Bo ta sigurá bo outo, bo kas, bo bida. Awèl di kon bo no ta sigurá bo entiero pa e momentu ku bo no t’ei mas? Klaro, bo tin un seguro di bida pa bo famia no keda sin entrada, pero kiko ta pasa ku e gastunan di bo entiero ku kasi semper ta inesperá. Awendia un entiero básiko mes ta kosta entre 6.000 ku 10.000 florin. Si bo ta deseá algu mas elaborá, e gastunan por bula 12.000 florin bai. Bo sernan kerí tin ku dil ku e pèrdida di un persona stimá; no ta hustu pa duna nan e responsabilidat èkstra pa e gastunan aki tambe. 

Opshon 1: Seguro di entiero regular

• Disponibel pa persona te ku 65 aña di edat.

• Suma mínimo ku por sigurá ta 4.000 florin, i máksimo 20.000 florin.

• For di 7.000 florin bo ta haña un deskuento.

• Bo ta sigurá mesora. No tin periodo di espera.

• Prima ta dependé di e suma sigurá, durashon di eseguro, edat, i kondishon di salú i sekso.

Opshon 2: Seguro di entiero ‘pa tur’

• Disponibel pa tur hende te ku 75 aña di edat.

• Suma sigurá fiho di 5.000 florin.

• Bo estado di salú no ta importá.

• No tin nodi yena deklarashon di salú.

• Prima ta dependé di edat i sekso.

• Durashon di prima ta pa bida largu.

• Periodo di espera di 2 aña.

• Restitushon di prima den kaso di fayesimentu dentro di e periodo di espera.

Kuantu?

Deseonan di kada hende ta diferente. Extura ta invitábu pa bishitá nos ofisina òf pasa serka un di nos konseheronan di seguro pa risibí un splikashon detayá di e diferente opshonnan, sumanan sigurá I kantidat di prima. E suma mínimo ku por sigurá ta 4.000 florin, pero komo ku gastu di entiero ta subi den transkurso di tempu, nos ta konsehábu pa kuminsá ku un suma mas haltu, òf subi’é despues di tempu. Básikamente nos tin dos opshon: seguro di entiero regular i seguro di entiero ‘pa tur’.

Ki Ora?

Bo por ta yen di bida awor akí, pero maske bo no ke pensa riba dje, bo por muri na kualke momentu. P’esei, no tarda pa regla bo seguro di entiero. Yama mas pronto posibel pa nos dunabu un man finansiero, ya bo por biba kada momentu trankil dibo. Den kaso ku bo fayesé, tur kos ta prepará anto Extura huntu ku e agensia funeraria ta sòru pa tur kos i bo sernan kerí ta liber di preokupashon

Kon?

Yama nos, òf pasa na ofisina di Extura pa risibí konseho personal I skohe bo suma sigurá. Extura ta traha bo pólisa i bo por kuminsá paga bo prima mensual. Pa tene e prima mensual mas abou posibel, nos ta konsehábo hasi pago outomátiko via banko òf serka nos na ofisina. Tambe por duna nos un outorisashon pa kobra bo prima via di SVB òf Ban Bario Bèk.

Ademas, pa bo komodidat nos ta ofresé un servisio èkstra di kobransa mensual na kas. Ora bo fayesé, bo famia por pasa na ofisina di Extura ku e pólisa di seguro i e akta di fayesimentu. Extura ta duna nan un karta di garantia na balor di e suma sigurá. Ku e karta ei nan por akudí mesora na agensia funeraria, ku lo sòru pa un entiero òf kremashon digno, bunita i segun bo mes deseonan.